MIRËSEVINI Angazhimi i Kooperacionit italian në Shqipëri pasqyron lidhjen e qëndrueshme midis dy Vendeve dhe përbëhet nga nisma në sektorë të ndryshëm, në kuadrin e një strategjie të përgjithshme në përputhje me atë të Qeverisë shqiptare. Duke filluar nga viti 1992, jane marrë angazhime për një detyrim financiar të përgjithshëm më të madh se 600 milionë Euro, gjë që e vendos Italinë në vendin e parë mes donatorëvë dypalësh dhe në vend të tretë, në mënyrë absolute, pas Bashkimit Evropian dhe Bankës Botërore. Italia ka për qëllim të kontribuojë, në mënyrë të veçantë dhe së bashku me donatorët e tjerë, në procesin e asociimit të Shqipërisë në Evropë, si dhe të favorizojë zhvllimin social ekonomik dhe konsolidimin e kushteve të stabilitetit të Vendit. Për projektet bëhen marrëveshje në çdo tre vjet duke u përqëndruar tek rehabilitimi i infrastrukturave, përmirësimi i shërbimeve bazë dhe i kushteve sociale e shëndetësore, tek fuqizimi institucional dhe tek zhvillimi i sektorit privat. Programi propozon metoda të llojit pjesëmarrës, duke u kushtuar vëmendje të veçantë problemeve të gjinive dhe ruajtjes së mjedisit, si dhe me një pjesëmarrje të fortë të shoqërisë civile italiane, nëpërmjet OJQ-ve dhe veprimtarive të kooperacionit të decentralizuar. Dua të shpreh një vlerësim të veçantë për veprimtarinë e zhvilluar nga Zyra e Kooperaconit për Zhvillim e Ambasadës sonë dhe për mbështetjen e vazhdueshme e cilësore të Drejtorisë së Përgjithshme të Kooperacionit për Zhvillim të Ministrisë së Punëve të Jashtme.