Komuniteti ndërkombëtar (Partnerët për Zhvillim dhe Integrim - Development and Integration Partners – DIP) merr pjesë në “koordinimin e donatorëve”, një mekanizëm i krijuar për të promovuar harmonizimin e ndihmave. Ky mekanizëm udhëhiqet nga një forum i nivelit të lartë (Qeveri - Tryeza e Donatorëve – Government - Donor Round-Table – DRT) që mblidhet të paktën dy herë në vit. Donatorët mblidhen rregullisht  në ”Mbledhjet DIP – DIP Meetings”, punimet e të cilës mbështeten nga një Sekretariat Teknik Donator (Donor Technical Secretariat – DTS) i përbërë nga agjensitë kryesore ndërkombëtare prezente në vend (Bashkimi Europian, Banka Botërore, OSCE dhe UNDP) dhe, duke filluar nga viti 2009, pjesë e saj janë dhe nga dy donatorë dypalësh çdo radhë. Ndërsa në nivel sektorial, ekzistojnë forume të ndërmjetme “Sector Working Groups – SWG”, përgjegjës të të cilëve janë Ministritë e linjës dhe mbështeten nga donatorë aktivë në një sektor/fushë specifik/e.

Fast Track-Division of Labour (FT-DoL) është një proces koordinimi paralel në Europë, në të cilin Kooperacioni Italian mban rolin unik të “lehtësuesit”. FT-DoL është një iniciativë e përbashkët e donatorëve BE (Komisioni Europian dhe Shtetet Anëtare) i krijuar pwr tw favorizuar, në disa shtete pilote, aplikimin gradual të “Kodit të Sjelljes mbi komplementaritetin dhe ndarjen e punës në politikat e zhvillimit”, dokument që mund të konsiderohet si “rënia europiane” e dokumentit mbi efikasitetin e ndihmave. Një nga parimet bazë të Kodit të Sjelljes është “përqëndrimi”: në çdo shtet ku vepron, një donator europian duhet të jetë prezent në jo më shumë se tre sektorë dhe të çlirohet nga gjithë të tjerët (gradualisht, në bazë të një strategjie përgjegjëse dhe të përbashkët me shtetin partner). Përveç kësaj, çdo donator europian duhet të ndërmarri një funksion drejtues në një sektor, duke garantuar koordinimin strategjik ndërmjet donatorëvve europianë aktivë. Në këtë mënyrë, në bazë të rolit që ushtrojnë në një sektor të caktuar, donatorët europianë do të klasifikohen si donator kryesor, aktivë ose jo-aktivë.

Në Shqipëri, Italia ka qenë nismëtare e krijimit të një grupi joformal, ku kanë marrë pjesë edhe Delegacioni i Bashkimit Europian, Austria, Gjermani, Suedia dhe Zvicera dhe, më vonë, Qeveria Shqiptare. Grupi i punës ka udhëhequr një analizë të avantazheve krahasuese të donatorëve pjesëmarrës në secilin sektor (fluksi aktual i ndihmave, prospektiva e investimeve në të ardhmen, kapaciteti për të siguruar një asistencë teknike të tipit strategjik). Kjo analizë, e shoqëruar nga shprehja e interesit, nga ana e grupit të donatorëve për të marrë rolin e “lead donor – donatorit kryesor” në disa sektorë, të koordinuara me Qeverinë Shqiptare, ka çuar në firmosjen e një Memorandumi Mirëkuptimi (Memorandum of Understanding – MoU), nga i cili rezulton “pozicionimi” i mëposhtëm:
- Austria: Sektori hidrik- Gjermania: zhvillimi rural dhe bujqësia (GTZ); energjia (Kfë)
- Delegacioni BE: shoqëria civile; drejtësia dhe punët e brendshme; cilësia dhe tregu i brendshëm
- Italia: zhvillimi i sektorit privat
- Suedia: ambienti; statistikat
- Zvicera: decentralizimi i zhvillimit rajonal; arsimi dhe trajnimi profesional