Në njëzet vjeçarin e fundit Shqipëria ka ndërmarrë një hap të rëndësishëm drejt stabilizimit politiko-ekonomik, konsolidimit të intitucioneve demokratike dhe një rritjete të qëndrueshme. Kooperacioni Italian, dëshmitar i tejkalimit progresiv të emergjencës, ka riformuluar programin e tij në ndihmë të zhvillimit, duke u përqendruar me protokollin e ri dypalësh, të firmosur në 2010, në mbështetje të procesit të integrimit europian dhe duke mbështetur vendin në formulimin e strategjive dhe prioriteteve të nevojshme për përshtatjen me acquis communautaire.

Me qëllim garantimin e zhvillimit ekonomik dhe shoqëror, Italia  ndërmerr një qasje multi-sektoriale, duke u impenjuar në realizimin e projekteve të lidhura me fusha të ndryshme veprimi. Raporti i bashkëpunimit përveç kanalit dypalësh (marrëveshjet ndërmjet dy qeverive), realizohet edhe nëpërmjet kanaleve shumëpalëshe (marrëveshjet ndërmjet qeverisë shqiptare dhe organizmave ndërkombëtare, të nënshkruara nga Italia në cilësinë e donatorit) dhe me projekte të promovuara nga OJQ dhe programe bashkëpunimi të autoriteteve lokale italiane të decentralizuara.

Në përputhje me parimet e vendosura nga Deklarata e Parisit dhe Dokumenti i Accras mbi efikasitetin e ndihmave si dhe me Kodin e Sjelljes të Bashkimit Europian mbi komplementaritetin dhe ndarjen e Punës në Politikat e Zhvillimit, Kooperacioni Italian vepron në bashkëpunim me autoritetet shqiptare, duke bashkërenduar veprimet e tyre me prioritetet strategjike të vendit, të vendosura nga Strategjia Kombëtare e Integrimit dhe Zhvillimit 2007-2013, dokument programatik me të cilin janë lidhur strategjitë e ndryshme të zhvillimit sektoriale të drejtpërdrejta dhe të tërthorta si dhe planet përkatëse të veprimit. Për më tepër, iniciativat e zhvillimit janë zbatuar në një kuadër të rregullt për koordinimin e ndihmave me donatorët e tjerë dypalësh dhe shumëpalësh. Ky proces koordinimi udhëhiqet nga Departamenti për Strategjitë e Zhvillimit dhe Koordinimit të Donatorëve, i krijuar në vitin 2006 pranë Kryesisë së Këshillit të Ministrave të Shqipërisë. Objektivi i tij specifik është që të krijojë kushtet për një planifikim efikas të iniciativave për zhvillim duke siguruar që tërësia e ndihmave ndërkombëtare të jenë në përputhje dhe komplementare për veprimet e qeverisë.